Lajistis ayisyènn ap trese lèl ak dosye tòsyonè FRAPH la, Toto Constant

92

Pòtoprens____(TRiboLAND) Ta sanble Lajistis peyi Dayiti ap trese lèl e menm jwe laloz ak gwo dosye tòsyonè FRAPH la, Toto Constant an libète. An aparans, gen posiblite pou kriminèl la ta jwenn liberasyon l.

Jounen jodi a, yo kòmanse ap pale de dosye ke yo pa genyen pou ansyen konpayèl Michel Martelly, Toto Constant ki trouve’l nan men Lajistis depi plis pase 3 semènn aprè ke li te finn puje pènn li pou frod ak mèt dàm nan peyi Etazini.

Depòte a ki se yon ansyen ajan FBI e ki fèmen nan yon prizon nan Sen Mak, depatman Latibonit, ta sou wout pou jwenn liberasyon l, dapwè Sérard Gasius ki estime ke pakè tribinal la pa genyen oken dosye pou kriminèl la alòske te genyen yon demann ki te deja fèt bò kote Lucmane Délille (minis jistis) pou prodiksyon yon rekèt devan Kour Kasasyon an yon fason pou fasilite disponiblite dosye yo.

Selon Gasius, “si pa gen dosye, mwen pa panse ke nou kapab kontinye kenbe’l nan prizon. Li genyen dwa li tou.”

Konsa, depi plizyè semènn, Lajistis ayisyènn ap fè bwàs pou jwenn yon fòmul pou avanse avèk dosye Toto Constant an, yon chèf paramilitè ki responsab egzekisyon plis pase 3,000 jiska 4,000 sitwayen aprè kou deta militè 1991 lan.

Comments are closed.