Anplwayè CAN nan Gonaiv proteste pou reklame 18 mwa aryere salè yo

By Triboland On Dec 21, 2020

12/21/20

Gonaiv____(TRiboLAND) Mouvman protestasyon plizyè anplwayè devan lokal Centre Ambulancier National (CAN) la jodi lendi 21 desanm 2020 an nan vil Gonaiv.

Anplwayè sa yo ki santi yo fatige ak foustre nan okazyon fèt fen lane a, te oblije drese barikad kawoutchou anflame devan enstitisyon CAN nan. Yo tap reklame 18 mwa aryere salè yo ak sinyati lèt nominasyon yo ki pa janm materialize depi plizyè lane.

Protestatè yo ki pran anpil tan pou yo reyalize ke se nan farin responsab CAN yo ap roule yo depi konbyen mwa, promèt pou ta menm atake etablisman enstitisyon an si yo pa repon ak revandikasyon yo nan depatman Latibonit lan.