PNH: yon lòt enspektè mouri, fwa sa ta sanble se ka swisid

86

Gonaiv____(TRiboLAND) Yon enspektè polis ki pote non Mérandieu Jean-Baptiste, matrikile 11-PP-01384 ta sanble mete fen nan lavi li avèk yon bal nan tèt jodi dimanch 7 jwen an nan komisarya Gonaiv la, depatman Latibonit.

Koz swisid la ta sanble gen pou wè avèk transfè li. Jean-Baptiste ki te responsab komisarya Hench jwenn transfè li nan yon espas 24 èd tan pou vil Gonaiv. Kèk sous endike ke koz swisid la gen pou wè avèk kòkòday li ak mouvman polisye “Fantom 509” yo.

Divès fwèdam nan komisarya Gonaiv la te fè manèv pou kouri lopital ak Mérandieu Jean-Baptiste bwit sou kou; malerezman li te deja twò ta. Li rann dènye souf li e kadav la te transfere nan mòg nan vil Gonaiv. Ke nanm li repoze an pè!

Comments are closed.