Yon adolesan 15 lane trouve-l nan lopital Imakile konsepsyon Pòdpè a

08 – 29 – 2024

Pòdpè, Ayiti _____(TRiboLAND) Kesna Alestin se non yon adolesan 15 lane ki trouve-l nan lopital Imakile Konsepsyon Pòdpè a san asistans parantal, jounen mèkredi 28 dawout 2024 la.

Demwazèl la pase tout jounen-l sou lakou lopital la, se moun ki gen kè nan men ki pataje moso lamanjay avè’l. Daprè konsta pèsonèl sante yo, li te vin pat pote li trè byen, yo te oblije mete-l nan ijans lan, epi ba li swen nesesè.

Adolesan an pataje ak moun yo, li se timoun Senlwidinò; manman-l rele Alimise, men li pa mansyone nan ki zòn li sòti. Responsab yo nan lopital IK a, mande tout moun ki ta konnen fanmiy Kesna Alestin, pou yo fè yo konnen li nan lopital Imakile Konsepsyon Pòdpè a.