Komin Senlwidinò : Yon mès selebre nan chapèl Saint Rose de Lima nan ansyen bitasyon Balatye a.

08 – 23 – 2024

Senlwidinò, Ayiti_____(TRiboLAND) Nan okazyon fèt patwonal Saint Rose de Lima, yon mès aksyon degras chante nan chapèl Balatye 3èm seksyon nan komin Senlwidinò jodi jedi 23 out 2024 la.

Yon seremoni kite dewoule nan prezans kòdonatè Kazèk 3èm seksyon an, Saintilmé Saintilus, reprezantan konsèy minisipal la, Leonel Almazi ak peleren ki te soti nan tout ra kwen avwazinant yo. Yo tout, te vin fete Sen patwon yo Rose de Lima. Anviwon yon kenzèn timoun resevwa lakominyon nan okazyon an.

Reveran pè Roberson Pierre nan romeli sikonstans lan mande fidèl yo rete konekte ak Bondye, pran bon jan direksyon pou chapèl Balatye sèvi yon egzanp pou legliz la. Yon lòt kote li mande yo pou viv yon vi ki fini, kenbe pawòl bondye a, mete l an aplikasyon pou yo ka resevwa fòs ak gras nan men Papa Bondye.