MENFP anonse dat enskripsyon pou kandida rekale yo nan kad egzamen bakaloreya 2e sesyon yo.
06 – 12 – 2024
Pòtoprens, Ayiti_____(TRiboLAND) Sòti jounen mèkredi 12 jen 2024 la pou rive nan dat 24 jen k’ap vini la, Ministè edikasyon Nasyonal ak fòmasyon pwofesyonèl lanse enskripsyon pou kandida rekale 2è sesyon egzamen bakaloreya yo.
Kandida yo ap bezwen plizyè pyès pou valide enskripsyon yo tankou : fich patisipasyon dènyè eprèv oubyen atestasyon Ministè a, 2 foto idantite ak 2000 G pou frè enskripsyon yo.
Ministè edikasyon Nasyonal ak fòmasyon pwofesyonèl ap raple kandida yo ak kominote edikativ la ke egzamen yo ap gen pou dewoule nan dat 5 pou rive 8 dawou 2024.
