Senlwidinò : Yon seremoni òganize pou bay Maestwo Cerat Desir omaj pou sèvis li bay nan mond evanjelik la.
05 – 30 – 2024
Senlwidinò,Ayiti___(TRiboLAND) Koral e gwoup evanjelik nan komin Senlwidinò mete ansanm pou òganize yon sipèb seremoni pou rann maestwo Cerant Desir omaj pou ansyènte li ak sèvis li ofri nan prèske tout koral nan legliz evanjelik yo nan komin nan.
Maestwo Cerant kontribye anpil nan koral SHALAM MAHALALEEL nan legliz Siloye Dègranj, kote li pase 5 lane epi 7 mwa lap bay sèvis san pran souf.
Anpil moun ki tap patisipe nan seremoni an, ta fè kwè se pa lè maestwo a mouri pou pale tout sa l te konn fè, men yo pwofite yèswa ba li ochan ak yon seri plak donè e merit ki temwanye detèminasyon li ki toujou ewnfatigab nan bay yon kantite koral jarèt.
Seremoni sa a te dewoule an prezans plizyè pèsonalite nan komin Senlwidinò an pou n site pastè, predikatè ak kèk otorite sivil. Nan lavi tout sa wap fè, fè l ak tout kè ou pou ka reyisi e jwenn apresyasyon demen.
