Endividi pèsòn pa rive idantifye ak gwo zam manch long kase BNC Kwadèboukè a.
Endividi pèsòn pa rive idantifye ak gwo zam manch long kase sikisal BNC kwadèboukè a.
03 – 03 – 2024
Kwadèboukè, Ayiti____(TRiboLAND) Tris nouvèl pou sektè bankè a nan depatman Lwès peyi Dayiti. Endividi pèsòn pa rive idantifye apre midi dimanch 3 mas 2024 la, kase sikisal Banque Nationale de Credit (BNC) Kwadèboukè a epi pote ale divès materyèl tankou, zam ak lajan.
Enfòmasyon ki rive jwenn nou nan sal redaksyon nouvèl TRiboLAND, ta fè kwè, endividi yo pote ale 2 M4 ak plizyè magogo lajan ki t ap dòmi nan kòfrefò a, san konte 2 ajan sekirite yo kidnape.
Anpil moun k ap obsève zak malonèt sa a ki fèt sou BNC Kwadèboukè a, yo ta fè kwè ke se zèv kriminèl baz gang 400 Mawozo ki genyen nan tèt li lanmò 100 jou, e ki achete komin nan lajan kontan.
Comments are closed.