Fòlibète Jistis: Jij Enstriksyon Magarette George lanse yon manda pote Mennen vini dèyè direktè INARA, Armand Éberle
Jij enstriksyon Magarette George, mande direktè depatmantal polis Nodès la, Marc-Andre Cadostin pou mare direktè INARA a pote mennen ba li.
08-31-2023
Fòlibète, Ayiti____(TRiboLAND) Nan yon korespondans nan dat 29 dawout 2023, ki genyen antèt kabinè enstriksyon, Jij premyè enstans tribinal Fòlibète a, Magarette George enfòme direktè depatmantal polis Nodès la, Marc-Andre Cadostin gen yon manda pote mennen vini kont mesye Armand Eberle.
Jij George ekri direktè imigrasyon ak emigrasyon pou anpeche DG INARA a kite peyi a. Li pran yon parèy desizyon, kèk jou aprè DG Éberle Armand te boude envitasyon l nan tribinal sivil Fòlibète a.
Enfòmasyon yo ta fè kwè, jij la ekri Premye Minis Ariel Henry pou mande l mete DG Institut National de la Réforme Agraire (INARA) disponib pou li vin reponn kesyon lajistis.
Direktè Armand Éberle ki ta gen plizyè akizasyon ki peze sou do li tankou : asosyasyon malfektè, destriksyon ak ensandi byen piblik.
Comments are closed.