Kidnapping 17 sitwàyen ameriken nan Kwà Dèboukè moute tansyon gouvènman ameriken an
10/17/2021
Wachennton________(TRiboLAND) Nan yon entèvyou ke li akòde CNN, manm komisyon afè lòt bò dlo chanm repwezantan yo, depite Adam Kinzinger mande administrasyon Biden lan pou li degaje l kon mèt Jan Jak e dispoze tout sa ki nesesè pou yo libere misyonè ameriken yo ke gwoup gang sangwen “400 Mawozo” kidnape yè samdi a nan Gantye, nan komin Kwà Dèboukè.
Akote sa, genyen repwezantan Kankakee a nan eta Ilinòy ki pwefere mande gouvènman Biden chèche jwe jwèt laloz yon fason pou arive negosye liberasyon otaj yo nan men kidnapè yo sank e yo pa peye oken ranson. Yon konsiderasyon ki pa ditou antre nan santiman Kinzinger ki egzije pou gouvènman ameriken libere ameriken yo sou nenpòt ki fòm; menm si se itilize lapolis oubyen lame.
Nap raple, repwezantan BINUH nan peyi Dayiti, Helen La Lime te deklare se gang yo ki pèmèt genyen yon akalmi anndan peyi Dayiti.
