Lakwà wouj antre ak yon lopital andeyò pou bay viktim gwoudou gwoudou yo plis asistans

08/31/2021

Pòtopwens______(TRiboLAND) Nan kad supò Lakwà Wouj ap pote bay Ministè Sante Piblik ak Popilasyon (MSPP), yon lopital andeyò rive nan peyi Dayiti lendi 30 out 2021 an, dapwè yon nòt ke Lakwà Wouj Ayisyèn mete deyò.

Antouka, divès strikti lopital la ki soti nan Montréal, pwàl gen pou deplwàtonnen nan vil Okay ak jarèt MSPP. Lopital dote de yon Inite Entèvansyon Dijans ki an konplisite ak peyi Kanada, Fenland ak Almay, yo tout pwàl fè yon sèl tèt kole ak teknisyen nasyonal ak lokal yo.

Lopital la genyen kapasite pou bay yon sèvis ospitalizasyon ki djanm, yon sal operasyon ak ekipman anestezi e esterilizasyon, ekipman pou radyografi ak matènite e yon klinik eksteryè ak latriye.