Nouvo hashtag “#FreeHaiti” ap fè pale de li atravè rezo sosyàl yo pa kite rès planèt la endiferan

03/14/2021

Mouvman sa kip ran nesans aprè dènye evenman dramatik operasyon Village de Dieu a ki endinye anpil moun sou fason plizyè ajan PNH mouri e blese vandredi 12 màs 2021 an.

Hashtag#FreeHaiti a kap vale teren atravè lemon, gen pou objektif atire atansyon rès monn lan sou nivo vyolans kap pran pye nan nasyon ayisyèn nan chak jou Bondye mete.

Yon hashtag parèy deja depase plis pase 400,000 Tweet e li pa sispan fè laviwoondede planèt la an siy supò avèk peyi Dayiti. “Hashtag#FreeHaiti” pràl enskri nan menm nivo ak kèk lòt tankou #Metoo, #giletsjaunes, #FreeSenegal, ectera.