Jordan Hérard VERDULE pran tèt CCIH la, yon gwo fyète pou depatman Nòdwès la

75
0
Share:
TRiboLAND

11/20/2026

Pòtoprens, Ayiti ______(TRiboLAND) Jordan Hérard VERDULE, prezidan Chanm Komès ak Endistri Nòdwès la (CCINO), eli prezidan Konsèy Administrasyon Chanm Komès ak Endistri Ayiti (CCIH), vandredi 20 novanm 2026 la. VERDULE, ki se pitit vil Pòdpè, rive pran tèt youn nan pi gwo enstitisyon ki reprezante sektè prive nan peyi a. Eleksyon sa a reprezante yon gwo evènman pou kominote ekonomik Nòdwès la, ki wè youn nan pitit li yo jwenn yon gwo responsabilite sou plan nasyonal.

Nan premye deklarasyon li yo, nouvo prezidan CCIH la fè konnen li gen volonte pou l chanje imaj sektè prive ayisyen an epi kontribye nan valorizasyon richès peyi a. Li pwomèt pou l mete dyalòg ak konsètasyon nan mitan priyorite li, pandan l ap rete disponib pou koute lòt prezidan chanm komès yo nan diferan depatman. Objektif li se ranfòse solidarite ant aktè ekonomik yo epi travay pou sektè prive a jwenn plis kredibilite ak yon pi bon imaj nan sosyete a.

Nan yon nòt ofisyèl, Konsèy Administrasyon CCINO a eksprime satisfaksyon ak fyète li aprè eleksyon prezidan li an. Enstitisyon an pwofite okazyon an pou l prezante sensè felisitasyon li bay Jordan Hérard VERDULE ansanm ak tout lòt manm nouvo Konsèy Administrasyon CCIH la. Pou CCINO a, viktwa sa a se pa sèlman yon reyalizasyon pou enstitisyon an, men tou yon rezon fyète pou tout depatman Nòdwès la.

Share:

Leave a reply