Pati Rasin Kanpèp la demare ak premye jounen fòmasyon pou manm pati a nan Nòdwès peyi Dayiti.

09 – 11 – 2024

Pòdepè, Ayiti___(TRiboLAND) Nan lide pou restriktire Pati Rasin Kanpèp la nan depatman Nòdwès la, dirijan yo nan komin Pòdepè prevwa òganize 2 jounen fòmasyon nan lokalite Bochan soti 11 pou rive 12 septanm 2024 la .

Fòmasyon sa a konsène blòk Mawotyè ak premye seksyon Janrabèl pou kapab bay manm yo jarèt e mete yo sou 2 pye militè yo. Selon dirijan yo, y’ap fòme manm yo pou yo kapab gen matyè pou mennen lit popilè a nan peyi a, espesyalman nan depatman Nòdwès la.

Aprè fòmasyon sa yo, reprezantan kominal pati a pral gen ase konpetans pou elaji pati a nan tout depatman Nòdwès la epi kontinye lit ak batay rezistans lan pou liberasyon Ayiti.