81 etidyan UNISMA resevwa diplòm nan yon latriye disiplin nan komin Tigwav

08 – 26 – 2024

Tigwav, Ayiti ___(TRiboLAND) Anviwon 81 etidyant, etidyan resevwa diplòm yo nan divès disiplin nan Université International des Science Modernes et Appliquées (UNISMA) nan kad seremoni gradyasyon 4èm pwomosyon sòtant batize “COSMOS” dimanch 25 dawout 2024 la, nan Louco Night Club, Tigwav.

Yon seremoni ki dewoule an prezans plizyè pèsonalite pami yo:  batonye lòd avoka yo, Delpêche Joachin, direktè ansèyman siperyè ak rechèch syantifik nan ministè edikasyon nasyonal ak fòmasyon profesyonèl, doktè Jean Judson Joseph, kò pwofesoral la, fanmiy ak zanmi resipyandè yo.

Etidyant, etidyan yo gradye nan divès disiplin nan UNISMA, tankou Syans Jiridik, Agwonomi, Syans Administrativ, Kontablite, Enfòmatik, Kominikasyon Sosyal ak Jounalis.

Rektè Inivèsite UNISMA a, doktè Mario Jeune ki te pran lapawòl nan okazyon an, nan dsikou li nan sikonstans lan, felisite manm estaf Administrativ la pou kouraj ak devouman yo malgre difikilte tout kalite, yo pat janm relache e yo te transfòme tèt yo an veritab ewo nan lide pou fòme jèn yo e pèmèt rèv gradyasyon 4èm pwomosyon sòtant UNISMA a reyalize.

Toutfwa, doktè Mario Jeune deklare diplòm yo resipyandè yo dekwoche a, se youn nan gwo etap enpòtan yo franchi nan lavi yo e lavi a chaje ak echèk, genyen gwo defi kap tann yo se yo menm ki pou bay meyè de yo pou antoure mache mondyal la.