Lapolis arete Benice Célestin pou enplikasyon li nan asasina plizyè moun nan yon ofelina

08 – 21 – 2024

Pòtoprens, Ayiti _____(TRiboLAND) Lapolis arete Benicé Célestin pou enplikasyon li nan kad dosye asasina 2 misyonè ameriken, ak yon sitwayen ayisyen nan mwa me 2024 la, nan yon ofelina ki trouve-l nan zòn Lizon. Benicé 52 lane, se moun Plato Santral kap viv Pòtoprens depi nan lane 1998.

Daprè enfòmasyon anketè DCPJ yo, sim telefòn youn nan misyonè ameriken yo te menm rive sou telefòn Benicé. Lapolis ap kontinye ankète nan kad dosye sila, yon fason pou mare tout malfwa sangwen ki te patisipe nan yon parèy zak.