Asosyasyon Jij yo mande pou tout Jij Depè nan peyia fèmen tribinal yo

816


05 – 20 – 2024

Pòtoprens, Ayiti _____(TRiboLAND) Nan yon nòt pwotestasyon, asosyasyon Jij yo takle otorite politik ak polisyè yo fas ak peyia kap desann nan lanfè chak jou; divès tribinal pa ka fonksyone akoz sitiyasyon ensekirite a, anplis pèsòn pa epanye devan machin lanmò fòse a. Alòske otorite politik yo ap batay pou pouvwa san chèche oken altènatif pou peyia fonksyone.

Se yon zafè chak moun tann tou pa yo, oubyen poze kesyon: Kisa nou dwe fè?. Asosyasyon Jij yo kritike konpòtman iresponsab ak irespektye aktè politik ak polisye tradisyonèl yo ki kite bandi achte peyia lajan kontan. Nan mwens ke 2 semèn gen 2 Jij ki mouri asasinen, jis konnya kò Jij Verto Vertilus poko ka rejwenn fanmiy li, pou yo fè fineray pou li.

Leta pèdi manèv lejitim vyolans lan, Lapolis pa menm ka pwoteje tèt yo, vwa pou yo ta ka pwoteje moun. Nan sans sa, asosyasyon Jij Depè yo mande pou tout Jij Depè nan peyia fèmen tout tribinal yo jiskaske Leta pran responsablite-l paske sekirite yo pa garanti.

Comments are closed.