Plizyè polisye nan SDPJ Nò a, tanmen yon mouvman leve kanpe pou mande revokasyon dwayen a.i TPI Nò a.

842


05 – 14 – 2024

Kap-Ayisyen, Ayiti____(TRiboLAND) Polisye k’ap travay nan sèvis Depatmantal Polis Jidisyè branch Nò a tanmen jounen lendi 13 me 2024 la, yon mouvman leve kanpe pou egzije revokasyon dwayen a.i Tribinal premyè enstans Nò a, Mèt Joseph Alfred Manigat, pou tèt lap vann jistis la nan ti godèt.

Mouvman leve kanpe sa a ki te tanmen devan lokal Palè jistis la, te genyen kòm objektif, denonse zak malonèt dwayen an ap komèt, pami yo fè zewo tounen nèf.

Polisye ki pat deside mete dlo nan diven yo, te tou pwofite mouvman leve kanpe sila, pou mande lajistis fè limyè sou lanmò kòlèg 22 zyèm pwomosyon yo, Rémy Syncé, ke bandi ak zam te asasinen nan zòn Petitans, toujou nan 2èm vil peyi Dayiti.



Comments are closed.