8 prezime bandi fè vrèl pou peyi san chapo nan yon kokennchenn operasyon Lapolis mennen nan zòn Kwadèboukè

08-11-2023

Pòtoprens, Ayiti_____(TRiboLAND) Nan yon operasyon Lapolis mennen nan katye Onavil, zòn Kwadèboukè, 8 prezime bandi tonbe nan boukantaj kout zam ak Lapolis jedi 10 dawout 2023. Nan Kad operasyon sila, lapolis sezi yon fizi daso AR-15, 4 chajè ak yon latriye katouch diferan kalib.

Pami prezime bandi sa yo kap teworize popilasyon an depi yon bon bout tan, genyen: Zo Manno (yon bwa dwat chèf gang Kanaran), Jeff, Yvio, Jerry, ak Fòkè yon manm enfliyan. Operasyon sila reyisi gras ak mobilizasyon ajan UDMO Lwès 2 yo, seksyon anjen lou PNH pou bouche tout twou bandi yo te fouye.

Lapolis bay garanti, yap pouswiv operasyon sa yo ki konnen sou non deniche bandi sangwen nan komin Kwadèboukè.