1,000 nouvo ka kovid-19 ak 43 desè pou 23 pwemye jou mwa me 2021 an
05/29/2021
Plizyè lopital nan peyi a ap pran lanm avèk sekous kovid-19 la ki pa sispan bay laperèz. Anpil nan espas sa yo depase kapasite yo e y’ap fè fas ak gwo tansyon ki gen pou wè ak admisyon oubyen resepsyon yon kantite malad kovid, dapwè dènye rapò MSPP a ki pibliye 23 me dènye a.
Siyasyon an reyèlman bay tèt chaje nan yon seri lopital ki deja 100% plen avèk malad tankou: Lopital Sen Luk ki nan depatman Lwès, Lopital Inivèsite Mibalè ak Zanmi Lasante nan Delma.
Dènye rapò MSPP a ki date 23 me 2021 an konfime: 130 nouvo ka ak 5 nouvo desè (4 nan Lwès, 1 Latibonit) an 24 èd tan (14,258 ka konfime ak 307 desè depi aparisyon kovid-19 la anndan peyi a). E se sa ki vin bay yon total 1088 nouvo ka kontamine ak 43 desè pou 23 pwemye jou yo nan mwa me 2021 an.
Wès | Nò | Sant | Latibonit | Nòdès | Nòdwès | Sidès | Sid | Gran Dans | Nip | |
Ka konfime | 10,004 (+103) | 871 (+10) | 739 (+7) | 720 (+7) | 386 (0) | 293 (+1) | 310 (+2) | 306 (+1) | 243 (0) | 165 (0) |
Desè | 149 | 42 | 21 | 40 | 6 | 14 | 10 | 6 | 13 | 6 |
Comments are closed.