Nòdwès-Ensekirite: yon fiyèt liseyèn 16 lane viktim anba katouch bandi nan Jan Rabèl

11\25\20

Jan Rabèl____(TRiboLAND) Corgelas Bendjina 16 lane, elèv Ns1, nan lise Louis Joseph Janvier nan Jan Rabèl, resevwa yon katouch nan do pandan 2 chèf gang sangwen ame t ap twoke kòn yo. Li te bò 5h aprè midi lendi 23 novanm 2020 an lè deblosaj la pete an anba je komisarya Jean Rabèl la.

Direktè lycée a, pwofesè Délivrance Istelien ki konfime enfómasyon an, fè konnen se nan moman 2 depòte ki t ap boukante kout zam anba bab lapolis ki pa t janm reyaji ke Corgelas Bendjina ki t ap soti lekól te resevwa katouch la.

Nan moman n ap pale la, Corgelas Bendjina ap resevwa swen nan yon lopital alòske eta sante l toujou rete kritik.
.
Saint Jean wiskis