Jovenel Moise resevwa lèt kreyans 3 nouvo anbasadè nan peyi Dayiti

Pòtoprens____(TRiboLAND) Prezidan Jovenel Moise resevwa jodi madi 11 out 2020 an lèt kreyans twa nouvo anbasadè nan Palè Nasyonal.

Diplomat sa yo ki antre nan fonksyon ofisyèlman jodi madi a, pral gen pou ranfòse lyen koperatif ant peyi lakay yo avèk Ayiti, daprè sa prezidan Jovenel Moise fè konnen sou kont twitter li.

Konsa, nan yon seremoni ofisyèl, lokatè pale nasyonal la resevwa anbasadè Yesim Kebapcioglu (Tuki), anbasadè Wen-jiann Ku (Repiblik Chin, Tywann), e anbasadè Valdes P. Jesus (Meksik).