Kantite lapli k ap tonbe san kanpe sou depatman Nòdwès la, reprezante yon menas pou abitan yo.

01 – 25 – 2024

Pòdpè, Ayiti____(TRiboLAND) Nòdwès ap tranpe chak jou ki jou! Sòti nan zòn Ba-Nòdwès pou rantre nan metwopòl Nòdwès la, ki donk, vil Pòdpè, se yon kaskèt chinwa akòz volim lapli a ki pa sispann, pandan plizyè jou sou depatman Nòdwès la.

Yon sityasyon ki vin mete klou sou absè, kreye gwo panik lakay abitan ak pasajè yo akòz sityasyon twonson wout Pòdpè – Jan Rabèl la ki pwèske pa egziste, men ki vin plis egzajere menm pou pyeton yo, pou nou pa di pou motosiklèt ak machin yo.

Pou amelyore sityasyon moun Ba-Nòdwès yo, plizyè chofè taksi ki te pale ak korespondan TRiboLAND yo mande ak enstans konsène yo tankou, direksyon Travo Piblik branch Nòdwès pou fè yon entèvansyon pwese pwese.