Anperè Nasyonal Zantray branch Nòdwès fikse pozisyon li sou prezans kenyan yo an Ayiti.

09 – 05 – 2024

Pòdpè, Ayiti____(TRiboLAND) Anperè Nasyonal Zantray branch Nòdwès la, mesye Hervé Germain, fikse pozisyon li sou kriz ensekirite peyi Dayiti a, patikilyèman prezans kenyan yo nan Pòtoprens.

Pou anperè a, se yon latriye mannken ki ateri sou sòl Papa Desalin nan, ki pa vin regle anyen serye. Anperè Nasyonal Zantray la, kontinye pou l di, se yon latriye moun ki vin pran plezi, benyen nan lanmè, manje, chèche fanm, poun site sa yo sèlman.

Yon lòt bò anperè a, lonje dwèt jouda li byen long sou blan meriken li di, ki deja pase kenyan yo lòd, pou yo pa vin regle anyen serye nan peyi a, sinon ke vin touche lajan yo!

Enkyè pou gwo maladi k’ap sakaje kenyan yo, Hervé Germain mande ak gouvènman CPT-Garry Conille lan rete vijilan pou sa kite pase nan vèy la pa pase nan antèman an.