Elèv ki pa jwenn fich yo paralize premye jounen egzamen NS4 la, nan komin Jan Rabèl.

08 – 05 – 2024

Jan Rabèl, Ayiti_____(TRiboLAND) Elèv NS4 ki pa jwenn fich pou al sibi eprèv bakaloreya nan komin Jan Rabèl, paralize premye jounen egzamen lendi 06 out 2024 la.

Gwoup elèv ki pa jwenn fich yo, pete deblozaj, chire fèy egzamen kite gentan nan men lòt elèv yo, tire kout wòch sou lokal sant egzamen yo, ki lakòz tout sant egzamen yo fèmen pòt yo espesyalman lekòl Saint Monfort nan komin Jan Rabèl. Pou tann entèvansyon responsab yo nan ministè edikasyonal.

Pwoblèm sa yo rive souvan se paske enspektè yo se direktè lekòl prive, an menm tan yo enspektè. Sepandan, nan yon ti bat bouch Direktè depatmantal pou ministè edikasyon, Max Eddy Augustin, se yon problèm ki genyen pou wè ak feblès administrativ. Te genyen anpil efò ki te deplwaye pou pèmèt aprenan yo te konpoze, menm lè yo pat ko genyen fich; tankou sa te fèt pou elèv Pòdpè yo ki te jwen fich yo aprè egzamen an.

Antouka, Mesye Augustin deklare, si reyèlman se te yon problèm fich pou elèv proteste yo, osito aranjman yo te fèt apati lis fòmatize a, yo pa ta dwe genyen oken problèm pou yo konpoze nan dezyèm jounen egazamen an.