Direksyon Jeneral PNH la resi ranplase Louis Edner Yacinthe nan Grandans aprè plizyè eskandal

929


05 – 15 – 2024

Jeremi, Ayiti _____(TRiboLAND) Komisè Divizyonè Frantz St Armand ranplase Louis Edner Yacinthe nan tèt Polis la nan depatman Grandans jodi mèkredi 15 me 2024 la. Louis Edner Yacinthe te toujou sijè kontestasyon nan Jeremi akoz non li pat sispann site nan divès eskandal, anplis redwi sèvis Polis la pou satisfè sentè aktè politik.
Desizyon pou ranplase Louis Edner Yacinthe pran 5 jou aprè polisye yo nan Jeremi te fèmen komisarya pou egzije Direksyon Jeneral ranplase DDG a paske yo pap travay ak li ankò.

Nap raple, sit e genyen yon Leta serye anndan peyia, yon endividi tankou Louis Edner Yacinthe te dwe trouve li dèyè bawo pou kantite dega ke li fè nan PNH la chak kote li pase; kòmanse sou gwo magogo lajan ke li te fè nan danse kole ak gang nan Nòdwès/Latibonit atravè ramifikasyon avèk gang Ti Bwadòm, resèt sou kontenè komèsan yo, enfen se yon veritad kansè pou peyia.

Louis Edner Yacinthe fè anpil dega atravè plizyè depatman. Li ta sanble lap travay pou yon seri sangwen nan Wo kòmandman PNH la ki toujou pwoteje’l e fasilite’l transfè nan yon lòt rejyon pou yon seri lòt zak kriminèl avèk gang.

Comments are closed.