Port-au-Prince__(TRiboLAND) Sous TRiboLAND ki anndan vant Edikasyon Nasyonal fè eta de travay rekonstwiksyon Lise Marie Jeanne et du Cent Cinquantenaire kap demare pipirit chantan nan pwemye semènn Septanm 2019 la.
Travay sa yo ki gen pou reponn ak egzijans nòm parasismik ak parasiklonik ap finanse avèk yon koperasyon Japonèz e lap koute yon montan 200.000.000 goud.
Pou Lise Marie Jeanne, responsab yo anvizaje konstwi 14 klas ak 6 laboratwa. Kanta pou Lise des Jeunes Filles, lap benefisye 20 blòk sanitè, 12 klas ak 8 laboratwa, dapwè menm sous edikasyon nasyonal la.
