282 pati politik deja jwenn benediksyon KEP a : yon pa enpòtan nan direksyon eleksyon an Ayiti
03/26/2026
Pòtoprens, Ayiti _____(TRiboLAND) Daprè yon nòt ki soti nan “Conseil Électoral Provisoire” (CEP) jodi jedi 26 mas 2026 la, gen 282 pati politik ki deja jwenn apwobasyon pou patisipe nan pwochen eleksyon yo an Ayiti. Desizyon sa a vini apre analiz 320 òganizasyon ki te depoze dosye yo, epi li fèt selon dispozisyon ki nan dekrè elektoral 1e desanm 2025 la.
CEP a fè konnen etap sa a reprezante yon gwo avansman nan òganizasyon pwosesis elektoral la. Enstitisyon an mete aksan sou nesesite pou respekte kalandriye elektoral la pandan li ap chèche mete plis lòd ak transparans nan fason eleksyon yo ap prepare ak òganize nan peyi a.
Pou pati politik ki pa t jwenn apwobasyon yo, CEP bay yon delè ki rive jis 2 avril 2026 pou yo regilarize dosye yo. Avèk demach sa a, enstitisyon an di li rete angaje pou mete sou pye yon pwosesis elektoral ki transparan, enklizif ak endepandan, nan lide pou retabli konfyans popilasyon an nan enstitisyon demokratik yo.
