Yon lòt ti miyèt Sena ki fè anemi moralite ak onètete!

01/13/21

Me opinyon kèk moun pataje ak TRiboLAND sou seyans rara espesyàl ki fèt nan Biwo Sena a madi 12 janvye 2021 an

• Yon lòt seyans rara ak desen anime dewoule nan Biwo Sena a.
• Sinema sa a jwe deja. Nou bouke ak jan de karatè politik sa yo!
• Majorite opinyon yo deklare: Woy! Les voilà! Yo tout soufwi anemi moralite ak onètete.
• PHTK ap trese lèl pou vinn bay aksyon Jovenel Moise yo benediksyon.
• Yo tout genyen yon grenn zanno kay òfèv; e yo ta dwe dèyè bawo pou kòripsyon.
• Sinema sa jwe plizyè fwa deja.
• Kòman nou fè rive ase ba konsa?
• Sa ki pi wo a te kalote yon sitwayen an piblik wi!
• Se yon seri figi imoral ki genyen yon vye pase ki kite yon move gou nan bouch pèp ayisyen an.
• Tout tan se moun sa yo kap prezante devan moun avèk otan odas; nou mèt pèdi espwa kòm peyi.
• 4 ti komik: yo tout mete nou nan sa nou ye la. Kòmanse nan lajan pwason rive nan lwe leta machinn chak jou.
• Yo patisipe nan ka kidnapping e yo fè popilasyon kriye dlo nan je.
• Yo tire sou pitit pèp la devan Palman an e menm arive blese jounalis.
• Figi yo make je chèch ak sispèk!
• Se trè anbarasan pou repiblik la.
• Si yo te genyen fanmiy, yo pa tap vinn sou moun ankò.
• Yo pa reprezantab; se yon seri cheni ki deja devore ou apovwi larepiblik.
• Yo te deja voye dosye Gaspiyaj Fon PetwoKaribe a nan poubèl.
• Yo devalize yon pakèt bwàt leta.
• Yon se pèsonaj danjre e endezirab pou nasyon an.