Kandida Edgar Leblanc Fils pou pòs pwezidan tranzisyon an rekonèt defèt li fas Fritz Alphonse Jean

Louis Jameson
1/31/2022

Pòtopwens_____(TRiboLAND) Nan yon kominike jounen dimanch la, Edgar Leblanc Fils salye eleksyon Fritz Alphonse Jean kòm nouvo pwezidan pou dirije peryòd tranzisyon an nan lojik pou dyalòg, konsètasyon, konpwomi akò Montana-Pen nan pote pou chanje lavi pèp la.

Edgar remèsi delege yo ki, selon li menm, pran anpil responsablite pou fè pwosesis sila nan lide pou chèche yon solisyon ayisyen pou rezoud kriz sila.

Nap raple, 30 dawou ki sot pase la, Edgar Leblanc se youn nan aktè ki te enplike nan pwosesis Montana pou retire peyi a nan kriz sosyo politik ak ekonomik k ap travèse l depi kèk tan.