“Toute sa vie, l’être humain travaille pour réaliser des objectifs. Il met son être en action il mobilise des énergies et des ressources pour se construire une vie et acquérir ce dont il a besoin-ou pense avoir besoin-pour vivre. Chercher à bien vivre sur la terre est tout à fait honorable, mais ce n’est pas un objectif qui doit accaparer toute notre vie. L’homme est comme un arbre : il doit d’abord former ses racines et poser sa vie matérielle . C’est la première partie de sa vie, jusqu’à 30 où 35 ans. Ensuite il doit penser à renforcer le tronc en tournant son activité vers des mondes plus subtils. Il commence alors à donner un sens supérieur à son activité sur terre en consacrant une partie de sa vie à son être subtil. Ains se construira peu à peu en lui un tronc solide orienté vers les hauteurs et portant une abondante floraison.
Peu importe le métier que l’on exerce, il doit y avoir une intelligence et une âme dans notre activité. Celui qui vit en contact avec son âme donnera une ame à ce qu’il fait : le boulanger donnera une ãme au pain, le cultivateur à la terre et le Professeur à ses élèves et à son enseignement. C’est ce que le monde divin attend de l’homme : qu’il relié le bas et le haut en donnant à ses activités terrestres une valeur immortelle. Ne passons pas en ce monde en ne vivant que pour ce qui va s’éteindre, mais en offrant à notre Âme la possibilité de se manifester à travers nos activités terrestres.Chevaliers des Temps Nouveaux, le temps du mensonge, de la fausseté est fini et vous verrez tous les menteurs se faire prendre à leur propre piège par la loi des énergies.”
Lavi pa fasil pyès kote sou latè, e soufrans fè pati lavi. Chèf Loksidan yo mete yon sistèm an plas pou fè moun inyore doub fasèt lavi genyen kote yo dwe goumen pou kondisyon lavi yo amelyore. Mwen toujou pran plezi diskite ak kèk zanmi ki sikyat, sikanalis, metafizisyen sou kesyon sa yo. Konsèp rezilyans lan se yon konsèp ki kapte atansyon chèchè nan syans moun, e Jodia yon peyi kou Haïti bay bandi k ap dirije Loksidan yo anpil kè kase. Aswè a, m ap fè yon rale sou kèk verite Haïtiens dwe konnen pou yo sispann plenyen bay etranje, sitou Blan e ranmase karaktè yo.
Pou yo kraze yon pèp, fòk yo touche nanm li, kraze kannkès lestomak li ki se tout kwayans li. Pou w konprann kwayans ki predominan ann Haïti e rasin fonnman peyi a, fòk ou vwayaje nan mòn, ale wè peyizan ki nan zòn rekile. Wa sezi wè jan Ayisyen mwayen an gen yon konesans apwofondi de lwa kosmik yo e gen yon gwo metriz lwa natirèl yo. Na reyalize Fakilte ki fè etid sou syans konpòtman yo, ki etidye moun ann Haïti, se fakilte sa yo, yo plis maltrete. Gen yon rezon pou sa.
Èske w te konnen Ayisyen an jeneral konprann e kwè dyalite ki gen nan Lavi e yo kwè nan fòs sinatirèl? Èske w te konnen Chak grenn Ayisyen gen kapasite pou konekte ak Kòsmòs la e konnen li gen yon KREYATÈ li konekte ak li ? Èske w konnen yon Ayisyen, kèlkeswa orijin li anbrase Monoteyism, menm lè li gen kwayans panteyism? Èske w konnen tout Ayisyen fèt ak yon kondisyonman ki fè l kwè gen yon KREYATÈ, e ki fè l atache ak Lavi? Rezilyans y ap pale a pa reziyasyon, men se yon atitid ki ankre nan lanmou pou Lavi. Lè Ayisyen di w Lespwa fè viv ak pito nou lèd, nou la, se pa yon akseptasyon egzistans dyòl bòkyè, men se plis yon manifestasyon andirans li ak atachman ak Lavi. Youn nan pi gwo mistè pou Loksidan, se atitid Ayisyen pa rapò ak lanmò, sitou swisid. Mwen li anpil rapò espesyalis nan kesyon Sante mantal ak syanzimèn ekri pou yo analize konpòtman Ayisyen e atachman yo ak Lavi. Dapre sa nou aprann nan rechèch ki fèt sou syans moun, swisid se yon rekou natirèl pou yon moun ki santi li antrave, ki santi li nan yon twou won san fon. Epoutan, swisid se yon atitid, yon reyalite ki prèske etranje pou Ayisyen.
Nan demach pou èkstèmine, afebli Haïti, bandi Loksidan yo fòse Ayisyen marye ak lanmò, e yo banalize Lavi. Se yon aprantisaj fòse ki poko ka desann nan lestomak Ayisyen. Nèg yo envesti gwo lajan pou yo wè si ya fè Ayisyen anbrase dekourajman; men pèp la toujou kwè nan Lavi. Sa ki reyalite pou kèk sosyete peyi Loksidan ki di yo se peyi sivilize, tankou swisid, babari touye moun pou griyen dan, touye moun pou vòlè zafè yo, fòse moun touye tèt yo, pouse vyolans sou yo pou fè yo abandone Lavi, se reyalite Ayisyen pa anbrase. Na konprann kijan yo arive simen jèn latwoublay Lakay nou, sitou apre 7 Fevriye 1986. Na sonje zafè boule moun nan se yon reyalite yo fòse sou Ayisyen an 1986; e se tòsyonè anndan Legliz ki vin ak pratik sa. Jean Bertrand Aristide se yon espesyalis nan koze sa.
M ap mande jenn yo pou yo pa pèdi fokis sou sa ki esans Lavi. Yon moun k ap viv ki pa gen kwayans relijye ak esprityèl sispann moun. E se travay sa kèk nèg ki rele tèt yo Ate k ap travay pou bandi legal chèf Loksidan yo fè, non sèlman ann Ayiti, men nan tout Lafrik. Yo simaye zam fann fwa, kreye yon bann devyan ki tounen gwo kriminèl. San kriminèl nou wè k ap koule nan venn Ayisyen la, se yon kondisyonman ki blayi depi krim ki fèt sou Anperè a, 17 Oktòb 1806. Nou dwe pran tan pou nou gade sa k fè nou moun. Pa janm bliye ensten ki atache moun ak lavi natirèl, e depi yon moun mete w nan pozisyon pou w fè fas kare ak lanmò, w ap voye pye. Depi lè televizyon rantre ann Haïti, gen yon kondisyonman ki koumanse fèt, e nan banbilay ane 2000 yo kote Leta pa gen kontwòl medya yo k ap pase fim kote vyolans blayi, nou koumanse wè tandans kriminèl nan mitan pèp la, sitou jenn yo ap develope. Nou gen pou n fè yon analiz sou zafè zonbifikasyon, touye moun ak kout poud nan vodou pou nou montre w se Loksidan ki rantre dezòd sa yo nan kilti nou ak sosyete lougawou ki soti annEwòp ki vin bannou vlennbendeng ak chanpwèl.
Ti jenn yo, mekreyan ki di yo Ate fè w yon doub tò oswa krim: 1- yo piye tout richès peyi a nan kòripsyon, yo pa ba w opòtinite pou w aktyalize potansyèl ou 2- yo fosè w viv ak ensten bèt kote ou pèdi tout nosyon espirityalite kote yo fè w konnen pa gen Bondye e yo pouse imoralite sou ou, e fè w viv nan limitasyon 5 sans yo, e anpeche w devlope sizyèm sans ou. Wa sezi wè kèk nèg kou Jean Price Mars ki fonde Biwo Etnoloji te nan konplo sa, ansanm ak yon lòt dechè moun yo rele François Duvalier ak Lorimer Denis. Nou gen yon gwo travay demistifikasyon ak dezonbifikasyon pou nou fè. Yo reyisi demounize Haïtiens lè yo dekonekte li ak KREYATÈ li, e fè li konprann Relijyon ak Espirityalite se koze kremòl. Lè w ap viv kote se lajan ak byen materyèl ki priyorite ou, e ou pa janm reflechi sou kesyon metafizik tankou rezon egzistans moun, kote Lavi soti, ou tounen yon Zannimo, yon bèt sovaj. Jenerasyon 2000 la dwe mounize. Mwen kontan wè Atis Jean Jean Roosevelt ap takle pwòblèm jenerasyon sa. Mezanmi, annou chache konnen ki sa ki fè nou moun.
Lè Dessalines te chwazi wout Revolisyon se paske li te kwè nan Lavi. Dessalines pat rann Lavi frè l ak sè l difisil; okontrè, se prensip li t ap mete sou yo pou yo gen metye, disiplin e aprann travay. Nou pap ka rejwenn mounite nou kòm pèp si nou pa retabli Dessalines ak tout prensip, filozofi Imanokrat li te vle mete an plas. Nan jou sa yo la, nèg Lespri kou Pwofesè Gracien Jean, Jean Victor Gustave, Nago Naya, pou m site yo kòm Desalinyen konvenki, se moun nou dwe tande. Gen solisyon ak pwoblèm, kriz moralite, etik ak espirityèl Haïti ap konfwonte la a. Annou mete granmoun sou nou pou n goumen ak Kriminèl. Nou pa bezwen zam fann fwa pou nou pwoteje Lavi. Premye enmi nou, se kriminèl ki vle fè nou konprann se loray ki kale nou e nou ka viv nan endisiplin ak imoralite jan nou vle! Pa janm bliye vrè enmi an, se moun k ap ankouraje lanmò, povrete espirityèl, rayisans ak mechanste!
Pap gen redanmsyon pou Haïti si nou pa metrize panse Louis Joseph Janvier ak Anténor Firmin, 2 maton vizyon Imanokrat Papa Dessalines nan ; e si nou pa konsidere Labib Ann Ayisyen an kòm zouti aprantisaj mounite, mounizasyon. Pa gen sekrè nan fè kola, nou bezwen bon jan metòd aprantisaj pou refòmate sèvo Ayisyen; pawòl van yo dwe fini ; nou gen yon pèp pou n edike, yon jenès ki dwe fòme, sitou nan dimansyon espirityèl !
Bon Sabbat !
Namaste! Shalom !
Kerlens Tilus 11/05/2021
snel76_2000@yahoo.comTel: 631-639-0844
Comments are closed.