Kòdonatè Mouvman Jenès Mowonèz an Aksyon an, enjenyè Paul Joseph denonse otorite minisipal yo ki fè chimen kwochi ak lajan pou rekonstri simityè rejyonal la.

Mowon, Ayiti_____(TRiboLAND) Kòdonatè Mouvman Jenès Mowonèz an Aksyon, enjenye Paul Joseph, poze problèm simityè nan komin Mowon an, ki pa reponn ak kondisyon ijyènn ak respè pou dinyite mò yo.

Pou kòdonatè Mouvman Jenès Mowonèz an Aksyon an, yon komin ki eksiste depi lane 1900; nan plen 21èm syèk sila, ak yon popilasyon ki plis pase ven mil abitan, pa genyen yon simityè serye pou reponn ak bezwen trankilite e lapè pou mò yo.

Nan sans sa a, kòdonatè mouvman an, enjenyè Paul Joseph mande inite lit kont kòripsyon (ULCC) pou louvri bonjan ankèt sou 7 mil goud leta te bay ansyenn adminitrasyon majstra Joel Georges la.