Fanmiy Bon-Amy Gelin voye jete tout akizasyon ki ta fè kwè ke l fè pati yon gwoup gang.

Fanmiy Bon-Amy kap viv nan Lakwa Sen-Jozèf voye jete byen lwen tout akizasyon kita fè kwè ke, Bon- Amy Gelin, ki gen ti non atis li, “GG Mennenm” fè pati yon gwoup gang nan Ti Bwadòm e menm akzel kòm kwa seli menm ki retire lavi ajan UDMO, Anthony Dumas nan zòn Ti Bwadòm.

08-08-2022

Pòdpè, Ayitii__(TRiboLAND) Dapwè enfòmasyon korespondan Triboland yo rive jwenn nan Lakwa Sen-Jozèf bò kote plizyè pwòch fanmi Bon- Amy Gelin, yo konfime ke prezime koupab la se yon natif nan Lakwa Sen-Jozèf, li genyen 22 rekòt kafe sou tèt li, li pral fè NSIII nan Lekòl Pè Jean-Mary Vincent e li se yon atis kap evolye nan domèn mizik.

“Arete nan dat 7 dawou 2022 nan moman li te vin ranje yon moto nan vil Pòdpè.”Se deklarasyon Antoine Minaïdine ak Bon-Amy Colin, mennaj ak frè prezime gang lan fè. “Gelin pa menm konnen lokalite ki rele Ti Bwadòm nan”, daprè pròch yo ki tap depoze. Pou yo menm, lè polisye a te mouri, se match foutbòl yo tap gade nan Dolsine, yon lokalite nan Lakwa Sen-Jozèf.

Poze kesyon pou konnen, kòman Bon-Amy Gelin fè genyen Tatou sou li? Minaïdine reponn, tatou ki sou li yo,se paske lap evolye nan domèn mizikal la, ki fèl fè yo. Li kontinye poul di: “foto tèt fi ki sou li a,se foto vizaj mw li ye, e mw fè pal la tou sou kò mw.”

Antouka pou fanmi ak zanmi prezime gang lan, Bon Amy Gelin, pa enplike ni lwen ni pwè nan koze gang ak kidnapping.