08/14/2021
Mouvman Pou liberasyon Ayiti (MOLHA) prezante senpati l ak Pèp ayisyen an espesyalman popilasyon kap viv nan depatman Sid, Grandans, ak Nip ki viktim anba tranbleman tè ki frape peyi a samdi 14 dawout 2021 an.
MOLHA raple li de dega gwo tranbleman tè ki te pase sou Ayiti nan dat 12 janvye 2010 la.
Denye katastwof sa a montre Yon lòt fwa Kòman Ayiti frajil anpil sou fason nap konstwi e fèblès otorite yo nan anpeche sa fèt.
Nan sans sa a MOLHA mande otorite an plas yo pran tout dispozisyon pou pote asistans bay fanmi tout moun ki viktim pandan pasaj gwo katastwòf natirel sa a.
Sityasyon popilasyon an ki te deja pat bon akoz Klima ensekirite, la vi chè, kriz sanitè, vin pi konplike nan moman sa a.
Mouvman pou liberasyon Ayiti a ap pwofite mande gwoup nèg ak fanm ki gen zam nan men yo nan lokalite MATISAN pou obsève yon Trèv pou pèmèt otorite yo ak tout lòt moun ki kwè li nesesè rive pote èd bay viktim yo.
Pòtoprens 14 dawout 2021
Doctè Evallière BEAUPLAN.
Kòdonatè nasyonal
Comments are closed.